Bakit Fine Arts?

Fine Arts

Sa bansa natin, kapag nakarinig ka o may nagsabi sayong "Fine Arts" ang kurso nila at hindi naman sila ganun kapera eh mapapatanong ka ng "Bakit Fine Arts?". Isa lang naman ako sa mga taong surang sura nang sagutin ang tanong na 'yan. Kung may bayad lang siguro ang pagsagot ng tanong na 'yan eh mayaman nako. Pero dahil mabait ako at imposible namang maningil ako kapag tinanong ako ng ganyan, nananatili pa din akon pobre.

Pero may point din naman kasi yung nagtatanong. Alam mo na ngang hindi ka ganun kapera, wala pang pangalan yung pamilya mo sa larangan ng Arts, tas yun pa din yung gusto mong ipursue na career?

Grade 2 ako nung una kong nalaman yang kursong yan. Pag tinatanong kasi ako dati kung anung gusto kong maging pagtanda ko, ang sagot ko eh Cashier sa grocery. Oo, cashier. Nung narinig yan ng nanay ko, sabe niya sakin, "Kung magca-Cashier ka lang din naman pala, wag kana mag-aral". Hindi ko nagets ko bakit niya sinabi yan nung bata pako. Sa isip isip ko, "diba kelangan magaling sa Math kapag Cashier?".

So balik na nga tayo dun sa Grade 2 ako.

Yun nga, Grade 2 ako nung una kong nalaman na may kurso palang Fine Arts. Yung puro drawing lang ang gagawin mo pero pag dating ng araw eh kikita ka kahit drawing ka lang ng drawing. Ganto yung storya niyan, may seatwork kasi kami noon sa Relg subj namen, pinagdrawing kame ng teacher namin, hindi ko na maalala kung tungkol saan pero sa pagkakaalala ko eh dinrawing ko si Jesus kasama yung mga disciples niya. Pero dahil astig ako, complete with bigote and everything ang Jesus with His disciples ko. Nagandahan yung teacher ko(ehem), kaya sabi niya "Mag Fine Arts ka!". Tas ako naman, "ha? anu daw?". Pero syempre hindi ko talaga sinabi yan sakanya. Kaya habang palaki ako ng palaki, narealize ko kung anu ba talaga yung Fine Arts at narealize ko din na kung ang goal ko eh yumaman, hindi dapat Cashier ang maging trabaho ko.

Hindi ko naman kinukwento yan tuwing tinatanong ako. Gusto ko lang idagdag dito sa entry na to. Wala lang. Pampahaba ba. :)) De joke.

Pero ang sinasabi ko lang kapag tinatanong ako,

"Bakit Fine Arts? Kasi nage-enjoy ako magdrawing"

Pero may mga tao talagang sadyang di nasisiyahan sa sagot ko. Kaya idadagdag pa nila ang tanong na, "May future ka kaya diyan?"

Nung una ipinagkikibit balikat ko lang ang sagot kapag yan na ang tanong. Kasi oo nga naman, meron nga naman kaya akong magiging disenteng trabaho pag ka graduate ko? Ayokong maging kasapi sa federasyon ng mga taong nagpapasikip lang sa bansa natin at walang naitutulong sa pamilya.

Matagal tagal ko ding pinagisipan ang isasagot ko sa tanong na yan. Hanggang sa ako naman ang nagtanong ng ganyan sa isang kaibigan kong Fine Arts student. Ang sabi niya, "Oo. Wala naman kasing imposible kung pagsusumikapan at gagalingan mo eh."

Tama siya. Hindi naman natin mape-predict ang mga mangyayari sa hinaharap. Hindi natin agad masasabi na wala naman akong mapapala. Hindi rin naman agad masasabi na meron nga akong mapapala. Pero kung pagsusumikapan, merong mangyayari.

Ngayon, tuwing tinatanong nako ng "Bakit Fine Arts?"

Proud na proud nakong sumasagot ng,

"Bakit Fine Arts? Kasi nage-enjoy akong magdrawing. At itaga mo sa bato, uunlad ako dahil dito."