Nagugulumihanan si Renzelle.

May isang lalaki. May isang lalaki na hindi ko talaga alam kung anong papel niya ngayon sa buhay ko.

Simula nung eksaktong araw ng birthday ko, umenter siya sa balahurang buhay ni Renzelle. Simula noong araw na 'yon, hanggang ngayong segundong ito, naging malaking parte siya ng pang araw-araw na buhay ko.

Nagsimula sa isang wall post ng "Happy Birthday bata". Ako naman 'tong echusera, comment naman ng "hindi nako bata! 16 na kaya ko!". Actually random lang talaga na pagkakataon kung baket ko siya naging "friend" sa Facebook. Hindi ko naman kasi talaga gawaing mag-accept ng mag-accept ng friend requests lalo na kung hindi ko kilala. Hindi ko alam kung anung sapak ko nung araw na yun kung baket pinaga-accept ko lahat ng nasa pending ko. Basta ganun ung nangyare.

Etong lalaking to ang sinasabi kong nage-effort talaga. Hindi ko alam kung anung meron pero pinagtiyagaan niya akong itext at tawagan sa loob ng apat na buwan. Kaya nagsimula nang lumalim yung pagkakaibigan namin. Madami nakong alam tungkol sakanya, sandamakmak naman ang alam niya sakin. Sa apat na buwan na yun, hindi ko talaga alam kung san 'to tutungo. Pero iisa ang nakatatak sa isip ko, hinding hindi ako magkakagusto sa taong to. Odiba, nagmamaganda si Ate Renzelle :))

Tumagal pa ng ilang panahon, nagpaparamdam na itong si lalaki. Hindi ko sasabihing may gusto na siya sakin dahil wala naman siyang sinasabi. Alam nyo na yun. Hindi naman kasi ako manhid para mag deny na hindi na talaga yung normal na pang magkaibigan yung ginagawa niyang effort. Pero iisa parin ang nakatatak sa isip ko, hindi talaga, hindi.

Nagkita na kami, dalawang beses. Una, nung Graduation Ball namin. Pangalawa, nung "date" kuno namin. Actually hindi talaga siya matuturing na date kasi may kasama akong chaperon at hindi kami nagkibuaan maliban nalang nung pauwi na. Parang tanga lang eh no?

Okay, balik tayo dun sa sinasabi ko.

Sabi ng isang kaibigan ko, "baka siya na yan 'te". Siya na DAW. Pero syempre, denial queen ako. Hindi kasi ako naniniwalang maaring magkagusto ang isang tao na ang tanging communication lang eh text at tawag. Sabe ko, "ewan ko. basta hindi."

Pero may sinabi siyang parang sumampal sakin,

"Pag yan nagsawa, baka ikaw tong humabol diyan."

Napaisip ako bigla.

Biglang bumilis yung tibok ng puso ko(chos).

Ewan ko, bat ganun.

Naguluhan ako bigla. Parang may panghihinayang na ewan.

Bat ganun?

Bat ako nakaramdam ng takot?